ШЫМКЕНТ: «АЛТЫН АДАЛ АС» ДӘМХАНАСЫ СЕРТИФИКАТТАЛДЫ

Шымкент қаласында жаңадан ашылған «Алтын адал ас» дәмханасы «QMDB Halal» стандарты талаптарына сай сертификатталды. «Халал Дамудың» Шымкент қаласы бойынша жауапты өкілі Қазбек Сарыбаев дәмхана аумағында бақылау-қадағалау шараларын жүргізіп, дәмхана өкіліне халал сертификатын табыстады.

Сертификаттау барысында ас мәзірінде ұсынылатын барлық тағам түрлері, олардың дайындалу әдісі мен пайдаланылатын қоспалары толықтай тексеріліп, «QMDB Halal» стандарттарына сай екені анықталды.

Сертификат табыстау рәсімінде дәмхана басшылығы тұтынушылардың сенімін ақтау және халал стандарттарын қатаң сақтау жолында тұрақты жұмыс жасайтындарын атап өтті.