АҚТӨБЕ: ҚАСАПШЫЛАРҒА СЕМИНАР ӨТКІЗІЛДІ

Ақтөбе қаласындағы «Нұр-ғасыр» мешітінде қасапшыларға арналған «Шариғат талабына сай мал сою әдебі» тақырыбында семинар өтті. Семинарды мешіт ұстазы Досбол Нұрболұлы жүргізіп, қатысушыларға шариғат талаптарына сай мал союдың негізгі ережелерін түсіндірді.

Семинар барысында мал бауыздаудың шариғаттағы шарттары, халал стандарт талаптары және ет өңдеу ережелері жан-жақты қарастырылды. Дәрісте аят-хадистер мен дін ғұламаларының еңбектеріне сүйене отырып, мал сою тәртібі егжей-тегжейлі баяндалды.

Қатысушылар өздерін толғандырған сұрақтарын қойып, тұщымды жауаптар алды. Сонымен қатар, қатысушыларға арнайы нұсқаулықтар таратылып, семинар соңында қасапшыларға сертификаттар табысталды.