АҚТӨБЕ: «НҰР-ҒАСЫР» МЕШІТІНДЕ СЕМИНАР

«Халал Дамудың» Ақтөбе облысы бойынша жауапты технологы Ақмаржан Ержанқызы қалалық «Нұр-ғасыр» мешітінде «Адал ас – жанға шипа» тақырыбында әйел жамағатына оқу-семинар өткізді.

Сонымен қатар, семинарда шариғат талаптарына сай адал астың денсаулыққа пайдасы, оның рухани және физикалық тұрғыдан әсері туралы айтылды. Қатысушылар азық-түлік өнімдерін дұрыс таңдау, халал сертификатының маңыздылығы және өндіріс саласындағы бақылау шаралары жайлы сұрақтар қойып, тұшымды жауаптар алды.

Шара соңында әйел жамағаты адал ризықты тұтынудың артықшылықтарын тағы бір мәрте түсініп, күнделікті өмірде халал қағидаларын ұстанудың қажеттілігін атап өтті. Семинарға қатысушылар осындай танымдық іс-шаралардың тұрақты түрде өткізілуін қалайтындарын жеткізді.