АҚТӨБЕ: «РАМАЗАН» ҚҰС ФАБРИКАСЫНДА АУДИТ

Ақтөбе қаласындағы «Рамазан» құс фабрикасында аудит жұмыстары жүргізілді. Бақылау-қадағалау шараларын технолог Нұрбек Қанатұлы, Ақмаржан Ержанқызы, халалдың жергілікті өкілі Әли Алмат орындады.

Аудит барысында құс фабрикасының өндірістік процестері, оның ішінде құстарды күтіп-бағу, қоректендіру, сою және өңдеу кезеңдері жан-жақты тексерілді. Сарапшылар құс азығының құрамын тексеріп, оның халал талаптарына сәйкестігін қадағалады.

Фабрикада қолданылатын құрал-жабдықтардың тазалығы мен залалсыздандыру әдістері тексеріліп, өнімдердің шариғатқа сай емес заттармен араласпауына ерекше көңіл бөлінді. Сарапшылар сонымен қатар дайын өнімдердің сақтау шарттарын, қаптама сапасын және тасымалдау талаптарын да назардан тыс қалдырмады.

Аудит нәтижесінде кәсіпорын қызметкерлеріне халал стандарттарын сақтау бойынша қосымша нұсқаулықтар берілді.