АҚТӨБЕ: ШАЛҚАР ҚАЛАСЫНДА СЕМИНАР

Ақтөбе облысындағы «Халал Даму» мамандары Алмат Амангелдіұлы мен Ақмаржан Ержанқызы Шалқар қаласының орталық мешітінде ер және әйел жамағатқа халал тақырында семинар өткізді.

«Ақтөбе аумағында халал кәсіпорындар санын арттыру және үгіт-насихат шараларын тұрақты түрде ұйымдастыру күн тәртібіндегі негізгі тапсырмалардың бірі. Осы мақсатта, аймақтағы қалалар мен аудан-ауылдарды аралап, семинарлар ұйымдастырудамыз. Жылдың алғашқы семинары Шалқар қаласынан басталды. Семинар барысында шариғатқа сай халал мен харамды ажырату мәселелері, тіршілік пен құлшылықтағы халалдың орны түсіндірілді. Сонымен қатар, кәсіпорындарда аудиттің жүргізілуі, зертханалық тексерістің орындалуы, тағамдық қоспалар халал сертификатының маңызы секілді өзекті мәселелер талқыланды», – дейді маманымыз.