ӨЗБЕКСТАН: «CRAFERS» КӘСІПОРНЫ ТЕКСЕРІЛДІ

«Халал Даму» мамандары Гүлмира Маратқызы, Мейіржан Бауыржанұлы, Қазбек Сарыбаев Өзбекстандағы «Crafers» кондитерлік кәсіпорнында кезекті аудит жұмыстарын жүргізді.

Аудит барысында мамандар өнімдердің халал стандарттарына сәйкестігін тексеріп, өндіріс процесінің барлық кезеңдерінде шариғат шарттарына сәйкес келетінін анықтады. Сондай-ақ шикізаттың сапасын, жұмыс орындарының тазалығын, техникалық құрал-жабдықтардың санитарлық жағдайын және қызметкерлердің гигиеналық талаптарды сақтауын бақылап, кәсіпорынның халал өнім өндіруге деген жауапкершілігін бағалады.

Аудит қорытындысында «Crafers» кондитерлік кәсіпорнының халал өнімдер өндіру бойынша барлық талаптарға толық сәйкестігі анықталып, сонымен қатар, кәсіпорын басшылығына өнім сапасын сақтау және жаңа халал өнім түрлерін енгізу бойынша ұсыныстар берді.

«Crafers» кондитерлік кәсіпорны – Өзбекстандағы жетекші кондитерлік өнімдер өндіруші компаниялардың бірі.  Кәсіпорын түрлі тәттілер, шоколад, печенье және басқа да кондитерлік өнімдерді өндіреді. Кәсіпорынның өндіріс процесі заманауи технологиялар мен кәсіби құрал-жабдықтармен жабдықталған, бұл өнімнің сапасын және өндіріс тиімділігін арттыруға мүмкіндік береді. Сонымен қатар, «Crafers» компаниясы экологиялық таза және табиғи ингредиенттерді қолдануға ерекше назар аударады, бұл өнімдердің дәмін жақсартып, олардың халал стандарттарына сәйкестігін қамтамасыз етеді.