Өзбекстандағы кәсіпорындар сертификатталды

«Халал Дамудың» бас сарапшы технологы Айжан Қалмаханқызы мен жергілікті мамандар Қазбек Сарыбаев, Аружан Аралбай арнайы іс-сапармен Өзбекстанға барып, жергілікті кәсіпорындар жұмысымен танысты. Іс-сапар барысында «Krember» сауда белгісімен танылған «Almero Group» және «Crafers» кондитерлік кәсіпорны мен «Rozmetov» шұжық өндіріс тексерілді. 

«Қазіргі таңда «QMDB HALAL» сертификаты шет елдерде кең сұранысқа ие. Өзбек ағайындарымыз тарапынан да халал сертификатына сұраныс артып келеді. Бүгінгі іс-сапар барысында «Almero Group» кондитерлік кәсіпорны мен «Rozmetov» шұжық өндірісіне халал сертификаты табысталды. Бұл екі кәсіпорынмен бірнеше ай бойы тығыз байланыста жұмыстар жүргізген болатынбыз. Бүгін міне ақтық аудит шараларын аяқтап, өндіріс орындарының «QMDB HALAL» стандартына толықтай сай екендігіне көз жеткіздік. Сонымен қатар, кәсіпорын қызметкерлеріне оқу-семинар өткізілді», – деп хабарлайды маманымыз.

Айта кетейік, «Халал Даму» мамандары қазіргі таңда еліміздің оңтүстік өңірлеріндегі кәсіпорындарда кезекті айлық тексеріс шараларын жүргізуде.