Жамбыл обл.: Шұжық цехтарындағы аудит жалғасуда

Жамбыл облысындағы ЖК «Асланбек 08»,  ЖК «Қыдырбаев», ЖК «Қасымова Лола»,  ЖК «Сарыбас»,  ЖК «Дадабаев» шұжық цехтарында жоспарлы тексеріс шаралары жүргізілді.  Кезекті аудит жұмыстарын «Халал Даму» технологы Аблайхан Ғабитұлы орындады. 

«Тексеріс барысында шұжыққа қосылатын шикізаттар,  тағамдық қоспалар мен дәмдеуіштер толықтай тексерілді. Қосалқы өнімдерді жеткізуші кәсіпорындар да бақылауымызда. Барлық кәсіпорындарда жоспарлы және жоспардан тыс тексеріс тұрақты түрде орындалатындықтан,  халал талаптарын бұзу жағдайлары тіркелмеді»,  — деп хабарлайды жергілікті маманымыз.