Жамбыл облысында бірқатар кәсіпорындар сертификаттарын жаңартты

Жамбыл облысындағы «Дадабаев» ЖК,  «Иштаев» ЖК шұжық өнімдері және «Первомайские деликатесы» ЖШС қасапханасы сертификатталды. Сертифткатты Жамбыл облысының өкілі Кәріпбаев Абылайхан табыстады.

«Халал — Жаратқанның адамзат өмірі мен тіршілігін жеңілдету үшін бекіткен дара жолы.  «Өз тілдеріңнің жалғаны мен қателіктерін Алла Тағалаға таңып, «мынау халал, мынау харам» деп айтпаңдар»,  — делінген «Нахл» сүресінде. Осы аятқа амал ете отырып,  мұсылмандардың қара шаңырағы діни басқармадан растаушы құжат «QMDB Halal» сертифткатын алғандарыңызға Алла разы болғай!  Себебі,  бұл — біз үшін,  еліміздегі күллі халалды тұтынушы халық үшін аса маңызды. Осы орайда,  өңірімізде халалдың дамуына  қосқан өлшеусіз үлестеріңіз бен теңдесіз еңбектеріңіздің жемісін көруді жазсын Жаратқан!»,  — деген Кәріпбаев Абылайхан алдағы уақытта екіжақты жұмыс одан әрі өз жалғасын табатынын жеткізді.