Жетісу облысы: Мешіт жамағатына халал насихатталды

«QMDB Halal» өнімдерін стандарттау бөлімінің Талдықорған облысы бойынша жауапты өкілі Мухаммед Ордыбай Жетісу облысы Ескелді ауданында мешіт жамағатына Халал жөнінде уағыз-насихат жүргізді.

Жиылған жамағатқа халал ас тұтынудың маңызы, тағам өнімдерін сатып аларда, тұтынарда аса берілуі тиіс жәйттар, күнделікті ас өнімдері құрамында жиі кездесетін тағамдық қоспалар, халал өнімдер дайындау технологиясы жөнінде құнды ақпаратпен бөлісті.

Шариғат талаптарына сай халал ас өндіру мен тұтынудың дүние мен ақыретте тигізер пайдасына тоқталып, кәсіпкерлерді халал стандартына сай жұмыс істеуге шақырды.