Жезқазғандағы кәсіпорындар тексерілді

«Халал Дамудың» бас сарапшы-технологы Айжан Қалмаханқызының өңіраралық аудит жұмыстары Жезқазған қаласында жалғасты. Екі күнге созылған бақылау барысында «Safi» және «Molly», «Happy cake» кондитерлік өнімдері, «Жайлау» ет дүкені, «Зәйтүн» қоғамдық тамақтану орны тексерілді.

Жоғарыда аталған кәсіпорындар өндірісінің барлық кезеңі қатаң қадағаланып, қолданыстағы өнімдерінің халал стандарты талаптарына сай болуы назарға алынды. Маманның мәлімдеуінше, тексеріс оң нәтиже көрсетті. Басым көпшілік кәсіпорындар халал талаптарын толықтай сақтаса, кейбіреуіне кішіргім ескерту берілді.