X
Menu
X

Халал – рұқсат етілген, адал деген мағынаны беретін араб тілінен енген сөз. Халал сөзінің антонимі Харам, яғни, рұқсат етілмеген, шариғатқа сай емес деген мағынаны білдіреді. 

Халал сертификаттаудың негізгі мақсаты – халықаралық мұсылман қауымына дін нормаларын сақтауда қызмет ету. Халал сертификат – сіздің өніміңіздің бәсекеге қабілеттігін көрсетеді.

Ұйым міндеттері - мұсылман қауымы мен халал өндірісінде тағамдардың қадағалануын жеңілдету, халал кепілдігінің тәжірибеден өткен, сенімді жүйесін құру;  Еуропада мойындалған

Халал сертификатын алған кәсіпорындар тізімін толығымен соңына дейін қарап шығуыңызды сұраймыз. Қосымша сұрақтарыңыз болса, бізбен хабарласыңыз.

ХАЛАЛ КУӘЛІККЕ ИЕ БОЛҒАН КӘСІПОРЫНДАР МЕН МЕЙРАМХАНАЛАР

ХАЛАЛ КУӘЛІКТІҢ АРТЫҚШЫЛЫҚТАРЫ

ӘЛЕМДІК СТАНДАРТ

Біздің куәлік әлемдік деңгейде жарамды. Ол арқылы сіздің бизнесіңіз дүниежүзілік халал индустриясына жол ашады.

БЕДЕЛДІ БЕЛГІ

Стандарттаудан өткен мекемелерге ҚМДБ-ның «Халал» таңбасымен өнім өндіруге толық құқық беріледі.

САПА КЕПІЛІ

Халал куәлігін алатын мекемелер жоғары деңгейдегі сапа мен тазалық бақылауынан өтеді. 

АҚПАРАТТЫҚ ҚОЛДАУ

Біз сіздердің өнімдеріңіз бен қызметтеріңізге барынша ақпараттық және жарнамалық қолдау көрсетеміз.

ҚМДБ «Халал Даму» ЖШС-ның «Халал» куәлігіне ие болған кәсіпорындар мен мекемелер

ҚМДБ-ның «Халал» куәлігі сіздің бизнесіңіздің өркендеуіне ықпал етеді!

Сертификаттаудан өтуге қажетті құжаттар мен өтініштер үлгісін көру үшін төмендегі «ӨТІНІШ БЕРУ» батырмасын басыңыз.

Қажетті құжаттар тізімі

ӨТІНІШ
МЕМЛЕКЕТТІК ТІРКЕУ КУӘЛІГІ
ЖЕКЕ КУӘЛІГІНІҢ КӨШІРМЕСІ
СЭС
ВСТ
МЕМЛЕКЕТТІК СТАНДАРТ
ЛОГОТИП
ТАҒАМ ҚОСПАЛАРЫНЫҢ ТІЗІМІ

Қазақстан мұсылмандары діни басқармасына қарасты «Халал Даму» ЖШС-ның директоры  Б. Мырзагелдиевтің атына өтініш
ӨТІНІШ

Мемлекеттік тіркеу куәлігінің көшірмесі ЖК (жеке кәсіпкер), АҚ (акционерлік қоғам) немесе ЖШС (жауапкершілігі шектеулі серіктестігі);
МЕМЛЕКЕТТІК ТІРКЕУ КУӘЛІГІ

Жеке куәлігінің көшірмесі
ЖЕКЕ КУӘЛІГІНІҢ КӨШІРМЕСІ

Санитариялық-эпидемиологиялық қорытындысының көшірмесі
СЭС

Ветеринариялық-санитариялық тұжырымдамасының көшірмесі (ет кәсіпорындарына және қасапханаларға)
ВСТ

Мемлекеттік стандарт (сәйкестік сертификаты, кедендік декларация және т.б.)
МЕМЛЕКЕТТІК СТАНДАРТ

Кәсіпорын логотипін PDF, CorelDraw нұсқасында жіберу
ЛОГОТИП

Кәсіпорын өнімдері мен тағам қоспаларының толық тізімі (қазақ, орыс тілінде)
ТАҒАМ ҚОСПАЛАРЫНЫҢ ТІЗІМІ

Халал және харам тағамдық қоспалары (бейне дәрістер)

ФОТОГАЛЕРЕЯ

 

Сұрақ-жауап

Қазақстан Мұсылмандары Діни Басқармасының (ҚМДБ) төрағасы, Бас мүфти Ержан қажы Малғажыұлы хазреттің басшылығымен 2014 жылдың 8 қазанында «Халал өнімдерін стандарттау» бөлімі ашылған болатын. 2016 жылдың 22 ақпанынан бері ҚМДБ-ның жанынан ашылған «Халал Даму» ЖШС халал стандарттау және сертификаттаумен айналысуда. Аталмыш ұйымның негізгі бағыттары елімізде халал индустрияны реттеу, мұсылмандарды сенімді халал, әрі сапалы өнімдермен қамтамасыз ету, дін мамандарының және қарапайым халықтың білімін арттыру, отандық халал кәсіпорындардың дамуына қолдау көрсету, халал өнімдердің халыққа қолжетімді болуына, мұсылман елдеріне шығуына мүмкіндік жасау.
ҚМДБ-ның «Халал» сертификаты барша мұсылман қауымының сенімін арқалайтын құжат. Сондықтан «Халал Даму» ЖШС тарапынан кәсіпорындар мен мекемелерді тексеру кезінде кәсіпорынның қызметі, тағам өнімдерінің құрамы халал талаптарына сай болуына, құжаттарының дұрыстығына, үнемі қадағаланып, тексеріліп отыруына аса мән беріледі. Кәсіпорынның «Халал» сертификатын алуы келесі тәртіп бойынша орындалады: 1) Кәсіпкер «Халал Даму» ЖШС директорының атына өтінішін, заңды құжаттары мен өнім үлгілерін (проба) жолдайды; 2) Тараптар арасында «Халал» өнім өндіру және қызмет көрсету бойынша консалтинг өткізу туралы келісім шарт жасалады; 3) Құжаттары тексеріліп, кәсіпкердің өтініші тіркеуге алынады; 4) Кәсіпорынның құжаттары бекітіледі; 5) Сертификаттау тәсілі анықталады; 6) Сарапшылар комиссиясы кәсіпорынның жұмыс барысымен, өндіріс тәсілдерімен, шариғат талаптарына сай болу деңгейін анықтайды. 7) Өнім үлгілерінің құрамы анықталады. Ол үшін біз Қазақстан-Жапон инновациялық генетикалық модификацияланған зертханамен келісімге отырып, бірлесіп жұмыс жасаймыз. Бұл зертхананың технологиясы заманымыздың ең мықты деген зертханалардан кем емес. Өнімнің құрамында өте аз мөлшерде де доңыздың ДНҚ-сын анықтап бере алатын мүмкіндікке ие. 8) Туындаған сұрақтар бойынша, соныменқатар фиқһ мәселесі бойынша кеңес беріледі; 9) Сарапшы комиссиясының қорытындысы шығад; 10) Мекеме өнімдері мен қызметін бағалайтын актілер бойынша шариғи қорытынды дайындалады; 11) Кәсіпорнының қызметкерлеріне ҚМДБ «Халал Даму» ЖШС ұйымы туралы, халал ережелері, стандарт жайында ақпараттар беріледі. Оқу семинарлары, тренингтер өткізіледі, оқу призентациялары мен бейне видеолар ұсынылады; 12) Кәсіпорынға тұрақты бақылаушы жауапты тұлға бекітіледі; 13) Акт жасалады; 14) Қорытынды мен сертификат дайындалады; 15) Сертификат табысталады.
Тағам, азық-түлік өнімдерінің ең алдымен санитарлық-эпидемиологиялық рұқсат құжаты талап етіледі. Өндіріс кәсіпорынның қызметі халал стандарттарға сай тексерістен өтеді және құрамы күрделі дайын өнімдер мен қоспалар зертханада тексеріледі. Халал сертификаттау жүйесінде зертханалық сараптама маңызды орын алады. Қазіргі таңда көпқұрамды өнімдер мен түрлі қоспалардың құрамын тексеріп, шариғатқа қайшы келетін заттардың бар-жоғын анықтау зертханалық жұмыстардың көмегімен ғана жүзеге асады. Әсіресе заманауи гендік модификаццияланған зертханалардың көмегімен өнімге араласқан мардымсыз доңыздың ДНҚ-сын да анықтау мүмкіндігі туындап отыр. Қазіргі уақытта «Халал Даму» ЖШС «Қазақ ғылыми-зерттеу ветеринария институты» ЖШС зертханасымен бірлесіп жұмыс жасайды.
Қазіргі таңда 160-тан астам кәсіпорын халал сертификатын алған. Бұл кәсіпорындар және олардың өнімдері туралы толық ақпарат halaldamu.kz ресми сайтымызда халық назарына ұсынылған. Бұдан басқа, сайтымыздан бөлімнің жаңалықтарынан, аймақтық өкілдеріміздің жұмыстарынан және т.б. қажетті мағлұматтарға қанық бола аласыздар.
Халал сертификаты негізінде тағам өнімдеріне байланысты беріледі. Себебі, әлемде халал азық-түлік мәселесі өзекті тақырыпқа айналып отыр. «Халал Даму» ЖШС-дан сертификат алған кәсіпорындардың қатарында: шұжық өнімдерін шығаратын кәсіпорындары, құсфабрикалары, кондитерлік, ұн, қамыр өнімдеретін кәсіпорындары, емдік-профилактикалық өнімдер, косметика, сусын, жарма, шикізаттар өндіретін кәсіпорындары, қоғамдық тамақтану орындары, ет өнімдерін шығаратын цехтар мен қасапханалар бар. Ал киім-кешек және сол сияқты заттар мен бұйымдарды сертификаттауда еш қажеттілік жоқ.
ҚР бойынша әр өңірде Бас мүфтидің бұйрығымен өкілдер тағайындалған. Бұл өкілдерге өздеріне қарасты аймақтарындағы халал кәсіпорындарын қадағалау жүктелген. Сонымен қатар кәсіпорындарға бақылаушыны тағайындау, халал бағыты бойынша оқыту, уағыз-насихат, түсіндірме жұмыстарын жүргізу, кәсіпорындардың құжаттарын саралап жинақтау қызметтерін атқарады. «Халал Даму» ЖШС-дан халал сертификатын алған кәсіпорындардың басым көпшілігі бұрыннан халал өнім жасап келе жатқан мұсылман кәсіпкерлер және тұрақты тексерістер нәтижесінде тәртіп бұзушылық анықталмаған.
Елімізде халал индустрияның дұрыс дамып, жетілуіне мемлекеттік органдардың оң шырай танытып отырғаны қуантарлық жайт. Қазіргі таңда халал мәселесі жоғары деңгейде талқыланып, мемлекеттік органдар ҚМДБ-ның халал стандарттау саласындағы қызметіне қолдау-көмектерін көрсетіп келеді. Себебі, еліміздің азық-түлік нарығын реттеу, мұсылман елдерімен халал экспорт-импорт байланысын құру ортақ мүддедегі мәселе.
Шындығында, халал таңбаны орнымен пайдалануды жүйелейтін мемлекеттік заң да, құзыретті мекеме де болмауының қасы, халал сөзі еш негізсіз көрінген өнімдерде табылуда. Тіпті, сол халал өнімдерді шығарып жатқан кәсіпкерлер исламнан бейхабар, жат ағымдағы адамдар болып шығып жатады. Сондықтан, қазіргі таңда өнімнің бетіндегі халал таңбасы да, «мусулманский» деген атауы да сапаның кепілі бола алмайды. Харамнан сақ болуды қалаған әрбір адам сатушыдан өнімнің сертификатын талап етуі тиіс немесе «Халал Даму» ЖШС-ның ресми сайтынан сертификатталған халал өнім түрлерін біле алады.
Бүгінгі күнге дейін елімізде бұл саланы жетілдіру жолында Малайзия (JAKIM), Біріккен Араб Әмірлігі, Түркия (SMIG), Сингапур, Ресей, Татарстан («Халяль» комитеті), Қырғызстан елдеріне арнайы іс-сапарлар жасалған болатын. Бұл іс-сапарлардың нәтижесінде көптеген маңызды келіссөздер орын алып, халықаралық оқу семинарларға атсалысып, тәжірибе алмасу арқылы елімізде тиімді халал стандарттау жүйесін қалыптастыруға үлкен септігін тигізді. Сонымен бірге, бұл елдермен ынтымақтастық байланысымызды жалғастыра отырып, өзге елдердің де халал стандарттау ұйымдарымен байланыс орнатуды жоспарлаудамыз.
Негізгі айтарлықтай жоспарларымызға тоқталатын болсақ. 2017 жылдың наурыз айында Қазақстан мұсылмандары діни басқармасы Халал Хаб құру жолында алғашқы қадам жасап, Сингапурдың «Halal Quality Centre» ұйымымен өзара меморандумға қол қойды. Меморандум негізінде Қазақстанда аймақтық Хаб құру, жобалық менеджмент, халалдың сапасы мен қызметін арттыру, білім беру, жалпы бұл салада бірлесе отырып жұмыс жасау көзделген. Халал Хаб – халал тауарлар мен қызметтердің логистикалық орталығы. Сонымен бірге, 2017 жылдың мамыр айында Малайзияның астанасы Куала-Лумпур қаласында JAKIM басшылығымен өткен кездесуде ҚМДБ-ның «Халал Даму» ұйымын аккредитациядан өткізу туралы шешім қабылданды. Ендігі кезекте JAKIM аккредиттеу жұмыстарын бастайды деп күтілуде. JAKIM – Малайзиядағы исламды дамыту департаменті, халал индустрияда тәжірибесі аса мол, әрі әлемде халал сертификаттаумен айналысатын ұйымдарды аккредитациядан өткізетін беделді орган болып табылады.

Мекенжай Астана қаласы, Қабанбай батыр, 36/3.
Телефон +7 (7172) 28 62 20;   +7 (727) 397-63-84
Email kmdbhalal@mail.ru

 

ХАТ ЖІБЕРУ ҮШІН